ဂျန်ဇက် (NP News) - မတ် ၁၃

ဖိလစ်ပိုင်အစိုးရသည် သက်တမ်းကုန်ဆုံးခါနီးနေသော ကိုရိုနာဗိုင်းရပ်စ် ကာကွယ်ဆေးများကို မြန်မာနိုင်ငံသို့ ပေးပို့လှူဒါန်းရန် စီစဉ်ခဲ့သော်လည်း ပေးပို့ကူညီနိုင်ခဲ့ခြင်းမရှိခဲ့ကြောင်း ဖိလစ်ပိုင်လွှတ်တော် Blue Ribbon ကော်မတီဥက္ကဋ္ဌဖြစ်သော အမတ် Francis Tolentino က ထုတ်ဖော်ပြောဆိုလိုက်သည်။

ဖိလစ်ပိုင်နိုင်ငံသည် သက်တမ်းကုန်ဆုံးခါနီးနေသော ကိုရိုနာဗိုင်းရပ်စ်ကပ်ရောဂါများကို ကူညီလှူဒါန်းရန် စီစဉ်ခဲ့သော်လည်း မြန်မာ အပါအဝင် နိုင်ငံအချို့က လက်ခံခြင်းမရှိခဲ့ကြောင်း ၎င်းက ပြောသည်။

ဖိလစ်ပိုင်နိုင်ငံတွင် ရှိနေသော ကိုရိုနာဗိုင်းရပ်စ်ကာကွယ်ဆေးများ အနက် ၆ ဒသမ ၇၄ သန်း doses သည် ယခုလအတွင်း သက်တမ်းကုန်ဆုံးမည်ဖြစ်ရာ ကိုရိုနာဗိုင်းရပ်စ် ကာကွယ်ဆေးအလုံးရေ ၅ဝ ဒသမ ၇၄ သန်းခန့် အသုံးမပြုရဘဲ ဆေးအလေ့အလွင်များ ဖြစ်ရဖွယ်ရှိနေကြောင်း သိရသည်။

၎င်းက နိုင်ငံခြားရေးဝန်ကြီးဌာန(DFA) နှင့် ပူပေါင်းပြီး ပြီးခဲ့သောနှစ် သြဂုတ်လတွင် ကာကွယ်ဆေးများကူညီလှူဒါန်းရန် စီစဉ်ခဲ့ကြောင်း၊ သို့သော်လည်း နိုင်ငံအချို့ကို ကူညီပေးနိုင်ခြင်းမရှိခဲ့ကြောင်း ပြောသည်။

ဖိလစ်ပိုင်လွှတ်တော်အမတ် က "ဖိလစ်ပိုင်နိုင်ငံခြားရေးဝန်ကြီးဌာနဟာ ကိုရိုနာဗိုင်းရပ်စ် ကာကွယ် ဆေးများကို ကူညီလှူဒါန်းဖို့ကြိုးပမ်းခဲ့ပြီး၊ နိုင်ငံအချို့နဲ့ ဆွေးနွေးခဲ့တယ်။ ပထမဆုံးအနေနဲ့ ကျွန်တော်တို့ဟာ မြန်မာနိုင်ငံကို ကူညီလှူဒါန်းဖို့ ဆွေးနွေးခဲ့တယ်။ မြန်မာတာဝန်ရှိသူများနဲ့ တစ်လကျော်ကြာ ဆွေးနွေးခဲ့ပြီးနောက် မြန်မာအစိုးရတာဝန်ရှိသူများဟာ ကူညီလှူဒါန်းမှုများကို လက်မခံဖို့ ဆုံးဖြတ်ခဲ့တယ်။ ဒါ့အပြင် အခြားနိုင်ငံ ၄ နိုင်ငံဟာ ကိုရိုနာဗိုင်းရပ်စ် ကာကွယ်ဆေးတွေကိုလက်မခံဖို့ ဆုံးဖြတ်ခဲ့တယ်" ဟု ပြောသည်။